Plantun de Prouvènço

Pèr coumpara dos planto d'encò nostre

Cuscuta approximata & Allium moschatum

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Aiet-musca

Allium moschatum

Amaryllidaceae Alliaceae

Nom en français : Ail musqué.

Descripcioun :
L'aiet-musca flouris dóu mitan à la fin de l'estiéu dins li tepiero roucaiouso de garrigo. Es un pichot aiet emé de fueio longo e uno tèsto (cabosso) di proun fibrinouso. Li flour, blanco, poulideto, soun drecho amé uno costo pourpro (o verdo) au mitan di sepalo.

Usanço :
Couneissèn pas d'usanço particuliero pèr aquesto planto. A bessai li mémis usanço que lis àutris aiet fèr. Dèu èstre un pau dur pèr manja.

Port : Erbo
Taio : 7 à 15 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : 4 mm
Flourido : Estiéu

Sòu : Ca
Autour basso e auto : 0 à 1300 m
Aparado : Noun
Avoust à setèmbre

Liò : Tepiero roucaiouso - Garrigo
Estànci : Termoumediterran à Subremediterran
Couroulougi : Estenoumediterrano-Nord
Ref. sc. : Allium moschatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Allium moschatum

ges

Coumpara Péu-de-lin(-di-sepalo-lusènto) emé uno autro planto

Coumpara Aiet-musca emé uno autro planto